رولي بالكرام شانتيي

طريقة تحضير رولي بالكرام شانتيي:

المقادير:

- 6 حبات بيض.
- 100غ فرينة.
- 100غ سكر.
- جولي .
- 100غ شانتيي.
- كاس حليب بارد.
- قرصة ملح
- 2 خميرة كيمياوية.

التحضير

في خلاط كهربائي نحط البيض (ملاحظة اذاكان البيض كبير نحط 5 فقط) و السكر ونضرب حتى يتضاعف الخليط و يصبح خليط مضاعف رغوي جدا لنجاح الوصفة من بعد ما يطلع  نضيف الفرينة و الخمارة ونخلط بواسطة اليد بشكل دائري غير بالعقل  حتى يمتزج الخليط بالفرينة .ونحضر الصينية و نحط فوقها ورقة من الورق الي يفرشوه على الموائد في الاعراس ونفرغ الخليط .و نشعل الفرن من قبل ب 15 د على درجة 200 وندخل الصينة تطيب لمدة من 10 الى 15 د لا اكثر من بعد نحمرها من الفوق ونخرجها و ندهنها بالجولي او معجون المشمش.ونلف الرولي ونغطيه ونروح نحضر كريمة الشانتيي و هي نضع في خلاط كهربائي كاس حليب بارد و 100 غ شانتيي ونضرب حتى يصبح الخليط رغوي .نقطع ارولي و تستفها في صينية اخري بشكل دائري ونفرغ عليها الكريمة بشكل مستو .ونزينها بحبات الفراز او اي فاكهة.و......شهية طيبة 
يرجى ترك استفسارتكم في التعليقات على الاسفل والاعجاب بالموضوع 
والانظمام الى صفحتنا على الفيسبوك وصفات سهلة