3كيلات سميد متوسط .(من النوع الجيد)من الاحسن يكون سيم متوسط ونحيلو شوية رطب بالسيار كيلة سمن ذايب مخلطة مع قليل من الزيت (يعني كملي عمري الكيلة بفنجان زيت ).قرصة ملح. كيلة ماء مخلط بماء الزهر . عسل .زيت للقلي.كاوكاواو لوز او تمر منزوع النواة قرفة للحشو.
التحضير:
في اناء نحط السميد و نضيفلو السمن الممزوج بالزيت.قرصة ملح .ونخط باليد حتى يمتزج السمن بالسميد جيدا. من بعد نبدا نشمخ في الخليط بالماء و ماء الزهر تدريجا و بشكل دائري وبدون عجن.حتى نتحصل على عجينة متماسكة .ملاحظة(ماشي شرط تستعملي كيلة الماء كلها ربما السميد يكون ما يستحقش كيلة الماء كليا او ربما يستحق و زيادة ).ونخلي العجينة ترتاح لمدة ليلة كاملة واذا شفتي العجين شرب زيدي رشيه شوية .ونحضر الحشو الي هو كاوكاو او لوز مطحون مع قليل من القرفة و مبلل بماء الزهر. او تمر حسب الرغبة.
نشكل العجينة على الطاولة مستطيل نعملو ثقب في الوسط و نعمرو بالحشو ونغلق عليه نقطعو على شكل مقروط و نقليه في الزيت و لما يتقلى نخليه يبرد ونعسلو في عسل ساخن مخفف بماء الزهر.و ..............شهية طيبة.
ليست هناك تعليقات:
إرسال تعليق